Веселый медвежонок
Привет, друзья! Присоединяйтесь к веселью с этим милым медвежонком, который танцует под "new darling"! Это видео, вдохновленное "masha and the bear", наполнит ваш день позитивом. Смотрите, как наш герой весело двигается, создавая "masha i medved" настроение для всех. Наслаждайтесь вместе в этом танцевальном приключении!
სამართალი ვეშაპუნა,
თოლი განჯი, უნჩაში, თოლი ვაწკურა,
მუთ მიწითჷნ, არძო ქულა,
კაბინეტიში ნასასურა.
გვალო ეცალ კაჭა ზიტყვა
შუროთ ვარე ცაშა მალუ,
დიპანჯუ დო დიტატარუ,
დიპანჯუ დო დიტატარუ.
ცოდა ფუნს დო იგვარგვალუ!..
ვართ ჯოღორიში,
კოჩიში სქუაში
გეგონი, უნჩაში, მინაჸურა:
ქო, სქან ჭირი, ახავაი,
ქოთ მართალი ე სქან ტყურა!..
https://youtube.com/shorts/3aUFJrrylwI
ჩქიმ გურიში მაჭირხოლი
lalebi
ნანაია, შხვა რდი ირო,
გეირჩქინუქო სქანი ჭირო,
ჩქიმდა მითინს ვაგაგებუ,
სქანჷ მეტისუ, გოლვაფირო.
სქანჷ სისმარეფჷ მოფუნს ჸუჩე,
ღორონთჷ ვორექ გური ქუჩე,
ვაგმაკურცხინ, მარა ქიბგინჷ,
ნორჩალჷ მუჭო ელამკუჭე.
ერჩქინაშე ხანგა ვორდი,
სო ვებდი დო სო ვავორდი,
სქვამჷ ცირეფსუ ქეკვოდინი,
ჩქიმი რინა შქაშა გოფრთი.
უდღანუნა, ნა, ჩქიმჯგურეფს,
მოჯგირეფქუ მიმენდურეს,
მარა ლერსეფქ ამაქექეს
დო ჟი დო ჟი მიდამტყურეს.
ვარე ჰავაშჷ ფიჩუ-ფაჩუ,
შურქ თიცალო გიმაფაჩუ,
კოჩიშჷ თოლით უძირაფუ
ოროეფი გიმაქვაჩუ.
ვემგმართინე ანწი გიმე,
ჟინცაშჷ ქვინჯი ოკო ბზიმე,
კოჩიშჷ ჸუჯით ურჩქილაფუ
ხონარეფი ელმასიმე,
ქიშილებე დაჩხირქ დირკას,
დაჩხირჷ მუშო ოკო ნირგას,
მა შილებე გეგნობტირხე,
მარა გურქ დღას ვამოდირკას.
სქანჷ ზისხირქ რე გამაჸალუ,
სქანჷ მასქვამა მი მაპალუ,
ღორონთიში ნოჸელაშე,
თურმე ღორონთს გელამფალუ.
გური ოტობაია "ნანაია"
თოლიშ ბირჯღიქ განმართ ჯინათ.
მის უჯინექ, ვარა მუს?
მითინ ვამურს.ვორწყექ მარა,
ფირქებს გინუორთუა შურს.
დუს იბღორე, შხვა ვორექ,
უსკვამაში დო ბედინერი,
ი ბორჯიქ გენკირულუ,
მუჟამს ვორდი გოჯინელი.
დუდი ჭირაკილო ვარი,
კინ მემიღუ ზისნახეთ,
სარკეს ვენუოჯინექუნ,
ამარ ცაშა ქიმუანჭე.
ჩქიმი ბოში დღას ვაღურუ,
გურს პუნს ჩქიმი ბათურია,
უსმართობაში გურმეჭვილი,
დიო ვორექ ვაღურია.
უკული ფარფალიაცალო
ქუმურსუ ფარფალიში ბორჯი,
ბებიში ხუმაშ ალასიმათ
ირო ყმაყოფილი ვორდი.
ინჭაწკმა ნეძი გედგუდ,
ნეძწკუმა რდუ პეულეფი,
ირთუდ ჩერიაშიმანგურო
ოჭმარეშე ეყუნელი.
წყურგილიშე ორკოლით
წყარ მომღუდუ ართო რგილი,
სარდაგიეფს ბაბ ხაჩქუნდ დო
პიჯი მაფუნია სქირი.
თოლიშ ბირჯღიქ განმართ ჯინათ.
მის უჯინექ, ვარა მუს?
მითინ ვამურს, ვორწყექ მარა,
ფირქებს გინუორთუა შურს.
დიდაშ ნერჩის მარწკინიეფ
ია-იეფს უსინთანა,
თუთა შურსუ ინმოჯინე
დო დუდი მიკომიძუ ჯაშა.
ნონა ჯანაშია "დიდაშ ნერჩი"
https://youtube.com/shorts/dRQVgPY7HcU
ქიგიჯინექ ელმოლსინ
ჩიტეფ თოლეფს ნაბუნა,
ეშე ცაშკარს გესოფნა,
ვარჩხილ წყარიშ ნაბონათ.
მუდგანერო ირთუე,
მუდგანერო გირთუე,
ნინათ არძო რმაალანს,
მარა გურსი შაყარანს.
ფირქებს ელნამალას,
გიშნაგორა ნადუდის,
მუჭოთ ბორჯის ორთუმელს,
მუჭოთ შურიშ ობუნეს,
ირო ოკო დაუნენ,
სკან შარას დო სკან კარსი,
ირო ოკო გაუნენ,
შურ დო გურიშ ნაშარსი,
სოდგა რდას დო სოდგა ვარ,
სოდგა ვორდენ იშენით,
ირო ჟიშე იბჯინექ,
ირო თევრე იშენით,
თუდო მუთუნს ვეველუქ,
აქ პოტიკ რე ირფელინ,
ენას უცბას ქუგოფხვად,
აქ ვეძირე თიფერინ.
ანდა კათაშ გოჭყაფილ,
ანდა საქმე დოჭყაფილ,
მუჟამს არძო მიბრჩქილე,
მუჟამს ღორონთგონჭყაფილ,
ვენინტირე მონჭყაფილ,
თხუმურელი ნაჭკირას,
კოჩიშ ნინაშ დოჭყაფილ,
მებჭუნსი დო ბდაჩხირანს.
მარა მუშენ ვამიჩქუნ,
მარა მუჭოთ მა მიჩქუნ,
ოკო გურზე ნადაჩხირს,
ოკო გურზე ნაჭუას,
მუჭოთ შურიშ ობუნეშ,
მთავარ ჯერღვიშ ღაჭუას,
მუჭოთ ბორჯიშ ჩქინ რინაშ,
უშურგურე ნაჭუას.
https://youtube.com/shorts/uyyGCEffneU
ოროიას ალახე
ჩე დედიბი ხვალახე.
ოგვაჯეს კარკალით
სუმ დუდვალუ მარქვალი.
სუმშა გაგმუკვანწუ ონწე,
ურდუ სქუა, მუში მონძე.
სუმი ურდუ ერცქემი,
ღორონთ, მარდი ქვერსემი!
სუმი ურდუ ყილო,
ვეჩითვალე კილო.
სუმიხოლო ქომოლი
ომბოლობაშ ორზოლით.
სუმი ჸა რე ფალირი,
სუმი შარა – ხარილი,
ხანდა ვარე დინაფილი,
თაში ჸოფე ჭარილი.
სკუალეფიშ ჯგირობუათ
ხომ მუთუნს ვადალახე,
ოროიას ალახე
ჩე დედიბი ხვალახე.
მუდა სერ დო მუდა თუთა…
სუმი ბჟა დო სუმი თუთა…
სუმ ხორუა, სუმ მენდი,
მუქ იჸუას ეშ მეტი.
მიტკვარჩალუნა მოთალეფი,
შურ დო გურიშ ორთალეფი…
……………………
ოროიას ალახე
ჩე დედიბი ხვალახე…
ზეინაბ სარიას მეგრული ლექსები
მე 8 კლასელო