Ишегалдында - театр

Татарстан Республикасы Рәисе Рөстәм Миңнеханов игълан иткән "Татарстанда - җәй" республика проекты кысаларында Мөслимнең Пушкин урамындагы күпфатирлы йортлар ишегалдында үзенчәлекле зур бәйрәм булды. “Татарстанда – җәй” проекты кысаларында Мөслимдә дә бик күп чаралар оештырыла. Шундыйларның чираттагысы – гадәти булмаганы күпфатирлы йортлар ишегалдында узды. Карина һәм Дмитрий Булычевларның музыкаль театры “Татарстан - Яңа гасыр” республика иҗтимагый хәрәкәте белән берлектә “Күрше фест” конкурсында җиңү яулаган "Татарстан – минем хәзинәм" исемле иммерсив спектакль куйды.