Икки сүрэх иэйиитэ
Сэтинньи 8 күнүгэр 2024 с. убайым Иван Степанович Иванов кэргэнэ Анастасия Ивановна ыарахан ыарыыттан эмискэ күн сириттэн барбытынан кэргэнигэр, оҕолоругар, сиэннэригэр, чугас дьонугар дириҥ кутурҕаммын тиэрдэбин. Настаакалаах Баанньа 80-с сылларга Боотулууга кэлэн олоро, үлэлии сылдьыбыттара. Саҥаһым куруук күлэн мичилийэ сылдьар, дьону кытта уопсай тылы булар буолан элбэх доҕоттордоммута. Онно мин Настаакалыын биир кэмҥэ концертарга, араас фестивалларга үҥкүүлүү сылдьыбыттааҕым, партнершам этэ. Көтө-дайа сылдьар курдук чэпчэкитик да үҥкүүлүүрэ. Итини таһынан Баанньатын кытта ыллаатахтарына олох былааһы ылаллара. Хас да киһиттэн иһиттим, кинилэр курдук ыллыыр дуэт бу республика үрдүнэн суох диэн. Настаака барахсан Баанньатынаан өссө да элбэх ырыаны айан, ыллаан дуэттыылларын истибэппит наһаа да хомолтолоох. Бу соторутааҕыта норуот бэйиэтэ Семен Данилов хоһооннорунан 4-с төгүлүн өрөспүүбүлүкэтээҕи ырыа күрэһэ түмүктэммитэ. Үгүс киһи кыттыбытыттан Сунтаар Тойбохойуттан Анастасия, Иван Ивановтар "Сибэккилэр" ырыанан кыттан КЫЛААН үрдүк аатын ылбыттара. Хомойуох иһин бу үөрүүлээх сонуну Анастасия барахсан истибэккэ бу орто дойдуттан бараахтаата. Түмүк кини олоҕун сырдык тыына быстаатын кытта кэлбитэ. Хомолтолоох, кыһыылаах, аһыылаах, абалаах да буоллар Анастасия Ивановна бу орто дойдуттан барар тиһэх түгэнигэр КЫЛААН КЫАЙЫЫЛААХ үрдүк аатын сүгэн букатыннаахтык барда...
Сэтинньи 8 күнүгэр 2024 с. убайым Иван Степанович Иванов кэргэнэ Анастасия Ивановна ыарахан ыарыыттан эмискэ күн сириттэн барбытынан кэргэнигэр, оҕолоругар, сиэннэригэр, чугас дьонугар дириҥ кутурҕаммын тиэрдэбин. Настаакалаах Баанньа 80-с сылларга Боотулууга кэлэн олоро, үлэлии сылдьыбыттара. Саҥаһым куруук күлэн мичилийэ сылдьар, дьону кытта уопсай тылы булар буолан элбэх доҕоттордоммута. Онно мин Настаакалыын биир кэмҥэ концертарга, араас фестивалларга үҥкүүлүү сылдьыбыттааҕым, партнершам этэ. Көтө-дайа сылдьар курдук чэпчэкитик да үҥкүүлүүрэ. Итини таһынан Баанньатын кытта ыллаатахтарына олох былааһы ылаллара. Хас да киһиттэн иһиттим, кинилэр курдук ыллыыр дуэт бу республика үрдүнэн суох диэн. Настаака барахсан Баанньатынаан өссө да элбэх ырыаны айан, ыллаан дуэттыылларын истибэппит наһаа да хомолтолоох. Бу соторутааҕыта норуот бэйиэтэ Семен Данилов хоһооннорунан 4-с төгүлүн өрөспүүбүлүкэтээҕи ырыа күрэһэ түмүктэммитэ. Үгүс киһи кыттыбытыттан Сунтаар Тойбохойуттан Анастасия, Иван Ивановтар "Сибэккилэр" ырыанан кыттан КЫЛААН үрдүк аатын ылбыттара. Хомойуох иһин бу үөрүүлээх сонуну Анастасия барахсан истибэккэ бу орто дойдуттан бараахтаата. Түмүк кини олоҕун сырдык тыына быстаатын кытта кэлбитэ. Хомолтолоох, кыһыылаах, аһыылаах, абалаах да буоллар Анастасия Ивановна бу орто дойдуттан барар тиһэх түгэнигэр КЫЛААН КЫАЙЫЫЛААХ үрдүк аатын сүгэн букатыннаахтык барда...