Маңғыстау ауданының білім беру ұйымдарындағы музейлерге виртуалды саяхат

Музей – мәдени мұраны көпшілікке танытуды қамтамасыз ететін және ғылыми зерттеу функцияларын жүзеге асыратын мәдениет мекемесі. Мектеп музейінің негізгі мақсаты – музей арқылы өз туған өлкесінің тарихын, ұлттық құндылықтарын, тарихи – мәдени мұраларын таныстыра отырып, білім алушылардың бойында жауапкершілікті арттырып, азаматтық құндылықты қалыптастыру, Отансүйгіштікке тәрбиелеу. Қазіргі таңда облыс мектептерінде тарихи тұлғалар туралы және өлкетану бағытында 36 мектеп музейі жұмыс жасайды, олардың 15-і мемориалдық, 21-і кешенді (14-і тарихи, 7-і өлкетану) бағытта ұйымдастырылып отыр. Ағымдағы жылдың 16-23 маусым аралығында облыс көлеміндегі білім беру ұйымдары жанындағы музейлерге виртуалды саяхаттар ұйымдастыру мақсатында жүрмелі түрде бейнероликтер түсірілді. Назарларыңызға осы бейнероликтерді тамашалауды ұсынамыз.