Нурбек Абдиев жана GIZ Кыргызстандагы өкүлчүлүктүн башчысы Виктор Вецель менен жолугушту

ИИМде 2024-жылга карата «Борбор Азияда зордук-зомбулуктуу экстремизмди алдын алуу» программасын ишке ашыруу боюнча иш-чаралар мерчемине кол коюшту 2024-жылдын 29-февралында ички иштер министринин орун басары Нурбек Абдиев жана GIZ Кыргызстандагы өкүлчүлүктүн башчысы Виктор Вецель 2024-жылга карата “Борбор Азияда зомбулук экстремизминин алдын алуу” программасын ишке ашыруу боюнча иш-чаралар планына кол коюшту. Кыргыз Республикасынын Ички иштер министринин орун басары, милициянын генерал-майору Нурбек Абдиев, ички иштер министрлиги эл аралык кызматташуу боюнча Германия коомунун экстремизмге каршы күрөшкө салым кошуу ниети үчүн демилгесин жогору баалаарын белгиледи. Азыркы шартта бүткүл дүйнөлүк коомчулук, ошондой эле Борбордук Азия аймагынын мамлекеттери үчүн улуттук коопсуздукту камсыз кылуу, адам укуктарын жана эркиндиктерин коргоо актуалдуу маселелердин бири болуп саналат. Биргелешкен иш-мерчемге кол коюу экстремизмдин алдын алуу маселелеринде кызматташуунун негизи болуп, кылмыштын бул түрүн алдын алуу максатында заманбап технологияларды колдонуу мүмкүнчүлүгүн берүү менен ички иштер органдарынын кызматкерлеринин жөндөмдөрүн жогорулатууга мүмкүндүк берет. Өз кезегинде GIZ Кыргызстандагы Өкүлчүлүгүнүн башчысы Виктор Вецель кылмыштуулук менен күрөшүүдө мындан ары да биргелешкен кызматташууну кеңейтүүгө даярдыгын билдирди. ИИМдин Басма сөз кызматы