Сәнгать мәктәбендә укулар башланды

Мөслим балалар сәнгать мәктәбе – иң бай тарихлы белем бирү учреждениеләренең берсе. Алдагы елда ул 60 еллык юбилеен билгеләп үтәчәк. Кайчандыр ике бүлмәле генә агач йортта эшли башлаган музыка мәктәбе шушы вакыт эчендә меңгә якын укучыга сәнгать дөньясына юл ачкан. Анда ел саен 500дән артык бала өстәмә белем ала. 1 сентябрьдән сәнгать мәктәбендә дә укулар башланды. Балаларны бирегә нәрсә тартып китерә, әти-әниләр ни сәбәпле балаларын өстәмә белем алырга алып килә? Хәбәрчеләребез шуларны белеште.