Mirtemir. Ikki she'r: Samarqand & Seni sog'inganim... Shoirning o'zi o'qigan

Миртемир. Икки шеър: Самарқанд & Сени соғинганим... Шоирнинг ўзи ўқиган / Mirtemir. Ikki she'r: Samarqand & Seni sog‘inganim... Shoirning o‘zi o‘qigan MIRTЕMIR (Mirtemir Tursunov) 1910 yil 30 mayda Janubiy Qozog‘istonning Iqon qishlog‘ida tug‘ilgan. Shoir 30-yillarda yozgan she’rlari hamda dostonlarida oddiy kishilar hayoti va mehnatini zakiylik bilan tasvirlaydi. Mirtemirning «Qoraqalpoq daftari» turkumiga kirgan she’rlari va «Surat» nomli lirik qissasi o‘zbek she’riyatida alohida hodisa bo‘ldi. Poeziyada o‘ziga xos uslub yarata olgan shoirning 70-yillarda yozgan «Onaginam», «Norbuvi», «Pattining hasratlari» kabi she’rlari o‘zbek poeziyasiga xalqchillik ruhini olib kirganligi bilan qadrlidir. Shoir ijodida badiiy tarjima salmoqli o‘rinni egallaydi. A.Pushkin ertaklari, N.Nekrasovning «Rusiyada kim yaxshi yashaydi» asari, Sh.Rustavelining «Yo‘lbars terisini yopingan pahlavon» eposi (M. Shayxzoda bilan hamkorlikda) uning tarjimasida o‘zbek poeziyasi xazinasidan munosib o‘rin olgan. Mirtemir 1978 yil 21 yanvarda vafot etgan. МИРТЕМИР (Миртемир Турсунов) 1910 йил 30 майда Жанубий Қозоғистоннинг Иқон қишлоғида туғилган. Шоир 30-йилларда ёзган шеърлари ҳамда достонларида оддий кишилар ҳаёти ва меҳнатини закийлик билан тасвирлайди. Миртемирнинг «Қорақалпоқ дафтари» туркумига кирган шеърлари ва «Сурат» номли лирик қиссаси ўзбек шеъриятида алоҳида ҳодиса бўлди. Поэзияда ўзига хос услуб ярата олган шоирнинг 70-йилларда ёзган «Онагинам», «Норбуви», «Паттининг ҳасратлари» каби шеърлари ўзбек поэзиясига халқчиллик руҳини олиб кирганлиги билан қадрлидир. Шоир ижодида бадиий таржима салмоқли ўринни эгаллайди. А.Пушкин эртаклари, Н.Некрасовнинг «Русияда ким яхши яшайди» асари, Ш.Руставелининг «Йўлбарс терисини ёпинган паҳлавон» эпоси (М. Шайхзода билан ҳамкорликда) унинг таржимасида ўзбек поэзияси хазинасидан муносиб ўрин олган. Миртемир 1978 йил 21 январда вафот этган.