Цӕгат Ирыстоны ӕвзӕрстыты рæстæг пайда кӕндзысты видеоцӕстдардӕй

Цӕгат Ирыстоны ӕвзӕрстыты рæстæг видеоцӕстдардӕй пайда кӕнынц дӕс азӕй фылдӕр. Ацы аз дæр уыдзæн афтæ. Системӕ аххӕсдзӕн республикӕйы ӕппӕт ӕвзарӕн участоктыл 18-æм, 19-æм ӕмӕ 20-æм сентябры. Паддзахадон Думӕйы депутатты æвзæрстыты рӕстдзинадмæ ӕмӕ ӕдасдзинадмӕ цӕст дарын хъӕудзӕн ӕртӕ боны – ӕнӕрлæугæйæ, уыимӕ ӕхсӕвыгон дӕр. Трансляци фенын сӕ бон бауыдзӕн къамисты уӕнгтӕн, цӕстдарджытӕн, кандидаттӕн ӕмӕ политикон партитӕн. Ӕвзарӕгмӕ участочы уавӕры тыххӕй фарст куы фӕзына, уӕд йӕ бон у ӕвзарӕн къамисмӕ бацӕуын ӕмӕ, сбӕрӕг кӕнын цы бон хъӕуы, уый. Фыстытӕ иууылдӕр хъахъхъӕд цӕуынц.