2015 йылда асылған Привалов крәҫтиән фермер хужалығы районда иң алдынғы, көслө хужалыҡтарҙың береһе булып һанала. Малсылыҡ, үҫемселек менән шөғөлләнер өсөн хужалыҡтың 8 мен гектар ере бар. Йыл һайын бойҙай, арпа, арыш, көнбағыш культуралары сәселә. Ҡыҫҡа ваҡыт эсендә иҫке биналар ремонтлана, тиҙ арала һыйыр һауыу комплексы төҙөлә. Бер йыл элек бөтә уңайлыҡтары булған , заман талаптарына яуап биргән һыйырҙар быҙаулай торған бина ҡалҡып сыға. Тағы ла бер нисә яңы комплекс төҙөлә.