Mehman Qərəxanizoə: SIĞİ ZOƏ SIĞİMBƏN AZ & Baloğlən Cəlil: ÇIMI SƏY SIĞ QONEBƏN

Mehman Ğərəxanizoə SIĞİ ZOƏ SIĞİMBƏN AZ... (Tolışi tarıxi ve-ve çok zıne qorəş bə Dovləti “həzo sor bıji” votedəm...) Dünom tij kay... rosım bıryə, Dərğəz bəm az... soğon bəm az. Ümrüm doə sığım hıryə, Sıği zoə sığimbən az... Təyli mandəm, ya dı bonəm, Bıkıştən, bə zəmin bınən, Azən qıləy sıği bınəm, Sıği zoə, sıgimbən az... Çımı ğəbi sığ be, şin? Nımande, zəminikü beşin. Çımı ğəbi sığon şin, Sıği zoə sıginbən az... Mandim, dasordə mandin, Canqədə, dasondə mandin, Çəşə arsonda mandim Sıği zoa sığinbən az... (1997,noyabr) Cəlili Baloğlən (Başğırdıstan xəlği bınıvışt) “ÇIMI SƏY SIĞ QONEBƏN" (Bə Mehman Ğərəxanizoə) Çımı səy sığ qonebən , Mı zınəmni, zınəmni. Ənə bəmı doj dodə, Həni kırne hınəm ni. Qone çımı sığ, qone, Qone çımı nom,Xıdo! Harco çımı nom hıse, Çəş nıqıno,nomxodo. Qone çımı nom, Xıdo! Qone çımı sıxanən. Sıvık be - be çımı das, Qone çımı sığ anə... Qone çımı sığ, Xıdo! Xəbəm bəni az, boçi? Votdən qıle sığim az, Çəşdəm şedə as, boçi? Votdən, çımı sığ qone, Dılım sığe, sığim az. Mınən ıştı sığə bom, Sığe rişə, həxim az, Dılım sığe, sığim az... Mehman Ğərəxanizoə: SIĞİ ZOƏ SIĞİMBƏN AZ & Cəlili Baloğlən: ÇIMI SƏY SIĞ QONEBƏN