Росгвардияға - 10 йыл!

Республика башлығы Башҡортостан буйынса Росгвардия идаралығы ойошторолоуҙың ун йыллығына арналған тантаналы йыйылышта ҡатнашты. Үҙ сығышында Радий Хәбиров идаралыҡ хеҙмәткәрҙәренең тынғыһыҙ эшен юғары баһаланы. Һуңғы йылдарҙа республикала Рәсәй һәм донъя кимәлендәге күләмле саралар тыныс һәм эшлекле шарттарҙа үтеүендә уларҙың өлөшө ҙур. Радий Хәбиров шулай уҡ әлеге ваҡытта хәрби бурысын үтәүселәргә рәхмәт белдерҙе. Үҙ сиратында Башҡортостан буйынса Росгвардия идаралығы етәксеһе Александр Голуб ошондай коллективты туплаусыларға рәхмәт һүҙҙәрен еткерҙе. Тантанала СОБР, ОМОН һәм ведомствонан тыш һаҡ хеҙмәте вәкилдәренә дәүләт һәм ведомство наградалары тапшырылды.