Лидуш Хабиб - Тут дон яманд нист

Лидуш Хабиб ба хотири охон Нодир Шанбезода Ика богат ику богат ику дарахт, амо тут донд яманд нист, Ику чак чакат ику бахт, аммо тут донд яманд нист. Ика ринуват, ика хац, ику чид, ику дарго, Ика рузата ику вахт, аммо тут донд яманд нист. Тут ивась вуд, якум борат нивишт Шугнони лугат, Тут ивась вуд, ху давраяндат ца чуд ху зив хурмат. Аммо хар говат хар аз ка фириптен пе ту шерен, Ди чатен ту чо айбдорат ту корен зевост галат. Якборе ар ту бог самат, чисум тут донд яманд нист, Фукафь дастурхонте чамат, чисум тут донд ямнд нист. Йонде чинеен сенам, чисум йе чине холе, Йе одам донд яманд камат, чисум тут донод яманд нист. Хофиз эчодиёт те та ноз ких мардуме Шероз, Шанбезода шеърентета помереен кинен ноз. Ар чай та мев ца хойт лувдта, мкв ченоен нанивишч, На Турсунзода аз Хисор, на Муъминшо аз Дарвоз. Паркард нафортат хешк вехто, аммо тут донод яанд нист, Булбулард нафорт ривихто, аммо тут донод яманд нист. Арчайе Шугноне соз живч, ясьчен фукаф тар ту бог, Фукафьам яч ту нигихьто, аммо тут донд яманд нист.