Дзæуджыхъæуы байгом рог атлетикæйы æппæтуæрæсеон федерацийы дугъы центр

Дзæуджыхъæуы байгом рог атлетикæйы æппæтуæрæсеон федерацийы дугъы центр. Республикӕйы сæйраг сахар сси Уæрæсейы 23 горæтæй фыццаг, ахæм центртæ хæстæгдæр мæйты, кæм фæзынд, уыдоны 'хсæн. Проектыл бакуыстой Терчы был. Футболон фӕз сног кодтой ӕмӕ йӕ пайда кæнынæн ныууагътой футбол уарзджытæн. Йæ фарсмæ сифтонг кодтой профессионалон æгъдауæй ӕмбӕрзт дугъ кæнынæн фӕндӕгтӕ, воркаут-зонӕ, сæвæрдтой дзы тренажертæ дæр. Фæз байгом кæныны фæдыл мадзал бабæрæг кодтой фæлтæрдджын спортсментæ, æмæ ма æппынæдзух ахуыртæм бацæуынмæ чи хъавы, уыдон. Уазджытӕн сарӕзтой иу километры бӕрц дугъ æмæ компанийы минæвæрттимæ фембæлд — блогер Анастасия Тукмачеваимæ ӕмӕ Уӕрӕсейы иугонд командæйы раздæры капитан Алексей Смертинимӕ. Уыимæ ма церемони бабӕрӕг кодтой Сергей Меняйло, рог атлетикӕйы Æппæтуæрæсеон федерацийы сӕрдар Петр Фрадков ӕмӕ Паддзахадон Думӕйы депутат, автономон ӕнӕкоммерцион организаци "Евразия"-йы Координацион советы сӕрдар Алёна Аршинова.