Симәктә - Авыл көне

Симәклеләр – туган җирен, туып үскән нигезен күз карасыдай саклап яши торган халык. Былтыр биредә 35 елга беренче тапкыр Сабантуй уздырылды, быелгы авыл көне дә үз югарылыгында оештырылды. “Татарстанда – җәй” проектына хас булганча, табигать кочагында узган чара җыр-биюләргә, дәртле уеннарга бай булды. Бәйрәмгә кайтучыларны район башлыгы урынбасары Азат Әхмәтҗанов сәламләде. Мәйданда дога яңгырады. Авылның имам-хатыйбы Мансур хәзрәт бәйрәмне башларга хәер-фатихасын бирде.