Башҡортостанда тәүге ҡар яуҙы

Шулай итеп, ҡыш үҙенең яҡынлығын иҫкәртте. Һәр ваҡыттағыса, водителдәр көндәрҙе ҡапыл һыуытыуға әҙер булмай сыҡты. Хатта юлдарҙың айырым өлөштәрен дә ваҡытлыса булһа ла ябырға тура килде. Өфө-Инйәр-Белорет юлында ҡар яуыу сәбәпле автомобилдәр хәрәкәте туҡтатылды. Синоптиктар киләһе көндәрҙә бер аҙ йылытыр, тип фаразлай. Әммә ҡарлы ҡатыш ямғыр ҙа яуасаҡ, тип вәғәҙәләй. Төндәрен, ғәҙәттәгесә, туңдырасаҡ. Шуға ла водителдәргә уяу булырға кәңәш ителә.