Какоба еиҭеиҳәеит 33 шықәса раԥхьа арҭ амшқәа рзы Мрагыларатәи афронт аҟны имҩаԥысуаз ахҭысқәа

Аԥсны жәлар Рџьынџьтәылатәи еибашьра аветеран, Леон иорден занашьоу Аҭаратәи арота акомандаҟаҵаҩ Адгәыр Какоба игәалаиршәоит 33 шықәса раԥхьа арҭ амшқәа рзы Мрагыларатәи афронт аҟны имҩаԥысуаз ахҭысқәа ртәы. Аҟәа ахақәиҭтәразы ажәылара — зегьы ҳаззыԥшыз, ҳгәы иҭаз хҭысны иҟалеит ҳәа азгәеиҭеит аибашьра аветеран. 33 шықәса раԥхьа 1993 шықәса цәыббра 16 рзы Аҟәа ахақәиҭтәразы ажәылара иалагеит. Аҳтнықалақь аӷа иалцаразы ажәыларақәа 11 мшы ицон. Цәыббра 27 рзы асааҭ 15:30 рзы Аԥсны Аҳәынҭқарра абираҟ Аиҳабыра рыҩны ахыбра иахашәыршәыруан, аҳҭнықалақь ахы иақәиҭтәын. Цәыббра 29 1993 шықәсазы Кәыдры ацҳаҟны еиԥылеит Мраҭашәаратәии Мрагыларатәии афронтқәа ирыҵаркуаз, Аԥсны ақырҭуа мпыҵахалыҩцәа рҟынтәи ахақәиҭтәразы еибашьуаз аԥсуаа рырбџьармчқәа. Инеиҵыху аиҿцәажәара — авидеонҵамҭаҿы. Еще больше новостей об Абхазии читайте на нашем сайте: https://sputnik-abkhazia.ru/ Подписывайтесь на нас в соцсетях, там всегда интересно: https://t.me/SputnikAbkhazia https://zen.yandex.ru/sputnik-abkhazia.ru https://vk.com/sputnikabkhazia https://ok.ru/sputnikabk