Мэлс Самбуев - Минии таабай

Подстрочный перевод Ирины Булгутовой Минии таабай (Мой дед) Тэниглэн сагаан зантай, (С безмятежный светлым нравом,) Түүхэлиг сэсэн үгэтэй, (С легендарным мудрым словом) Айл аймаг соогоо (В общине) Аха заханиинь байhан юм (Старшим был ) Минии таабай. (Мой дед). Айл болоошодоо заяалжа, (Семью создавших благославляя) Ахамад ёhоор юрөөн, (По старинному обычаю желая) Түрын энхэ найрта (на свадебном традиционном пиру) Төөлэй баридаг байhан юм (баранью голову держал) Минии таабай. (Мой дед). Долоон үнгын hолонго (С - семи цветов радуге) Дууряаhан утаhан бүhэтэй, (Подобным - шелковым поясом) Мүшэн хилэн тэрлигтэй, (в звездном (блестящем) бархатном тэрлике) Мүнгэн сагаан хутагатай hэн (с серебряным блестящим ножом) Минии таабай. (Мой дед). Уран дүшэhөө эхитэй (С Уран Душэ начинающейся) Уулын булаг Сэхирэй (горной реки Цакира) Урасхал шэнги тунгалаг (Течению подобно - с прозрачной) Уярhан сэдьхэлтэй ябаhан ( и чувствительной душой был) Минии таабай. (Мой дед). Эмнигэй дошхыень эмээлжэ, (Из коней самого строптивого усмиряя) Нүхэдэй hайнаар нүхэсэжэ, (С друзьями лучшими дружа) Юрөөлэй hайнаар юрөөжэ, (Из пожеланий самое прекрасное желая) Дуунай хонгёое дууладаг hэн (Самые звонкие песни пел) Минии таабай. (Мой дед). Сэлгеэ элдин талынгаа (Свежего привольного края своего) Сэржэм заншал хүндэлдэг, (Воздаяния (окропления) обычай почитал) Замбиин жаргалда шүтэдэг (В земное счастье верил) Золтой эрэ байhан юм (Удачливым мужчиной (благородным мужем) был) Минии таабай. (Мой дед). Хари холоhоо бусахадаа (Из дальних краев возвращаясь) Хүлэг юунhээнь буужа, (С скакуна своего слезал когда ) Хара шорой газараар (На черную пыльную землю) Хан түриин унадаг hэн). (Звонко(?) голенища падали). Минии таабай. (Мой дед). Найдамтай нүхэдөө золгожо, (С надежными друзьями встречаясь (вместе) Наран зүгhөө ерэhэндээ, (Из солнечных пределов будучи пришедшим) Наhан зүгhөөмни наруули (Жизненной моей юдоли солнечнее) Нютаг олоогүйб гэдэг hэн (Края не нашел я – говорил) Минии таабай. (Мой дед). Арзынгаа нангин дээжэhээ (От водки двойного перегона священной первиной) Агуу уулата орондо үргэжэрхёод, (Великому горному краю сделав подношение) Үетэн нүхэдөөрөө (С ровесниками друзьями) Үелжэ, зугаалжа ябагша hэн (Собираясь вместе, беседуя, хаживал) Минии таабай. (Мой дед). Минии таабай Тэниглэн сагаан зантай, Түүхэлиг сэсэн үгэтэй, Айл аймаг соогоо Аха заханиинь байhан юм Минии таабай. Айл болоошодоо заяалжа, Ахамад ёhоор юрөөн, Түрын энхэ найрта Төөлэй баридаг байhан юм Минии таабай. Долоон үнгын hолонго Дууряаhан утаhан бүhэтэй, Мүшэн хилэн тэрлигтэй, Мүнгэн сагаан хутагатай hэн Минии таабай. Уран дүшэhөө эхитэй Уулын булаг Сэхирэй Урасхал шэнги тунгалаг Уярhан сэдьхэлтэй ябаhан Минии таабай. Эмнигэй дошхыень эмээлжэ, Нүхэдтэй hайнаар нүхэсэжэ, Юрөөлэй hайнаар юрөөжэ, Дуунай хонгёое дууладаг hэн Минии таабай. Сэлгеэ элдин талынгаа Сэржэм заншал хүндэлдэг, Замбиин жаргалда шүтэдэг Золтой эрэ байhан юм Минии таабай. Хари холоhоо бусахадаа Хүлэг юунhээнь буужа, Хара шорой газараар Хан! – түриин унадаг hэн. Минии таабай. Найдамтай нүхэдөө золгожо, Наран зүгhөө ерэhэндээ, Наhан зүгhөөмни наруули Нютаг олоогүйб гэдэг hэн Минии таабай. Арзынгаа нангин дээжэhээ Агуу уулата орондо үргэжэрхёод, Үетэн нүхэдөөрөө Үелжэ, зугаалжа ябагша hэн Минии таабай.