Республикæйы æхсæнадон транспорт дарддæр ифтонг кæнынц æнæрмæджы фæндаггаг бафидыны системæйæ
Æнæрмæджы фæндаггаг бафидыны системæйæ ныридæгæн сифтонг кодтой 400 автобусы. Æнæ сæрмагонд гæрзтæй та ма сты 300-йæ фылдæр. Ныртæккæ дзуапдæттæг комитет "СберТройка"-имæ ныхас кæны æмгуыстады гæнæнтыл. Егъау IT-компанийы руаджы регионы фæзындзæн фадат электронон хуызы фиддонтæн. Специалистты ныхæстæм гæсгæ, уавæр къуылымпы кæнынц иуæй-иу шофыртæ, уыдоны нæ фæнды сæрмагонд гæрзтæй пайда кæнын æмæ æфтиæгты æмвæзад æвдисын. Ведомствæйы куыд зæгъынц, афтæмæй фарста хæстæгдæр рæстæг аиуварс кæндзысты.