Гөлнур һәм Илфар Шәйхелмәрдәновлар гаиләсе 7 баланы үз канатлары астына алган

Һәр бала – әти-әни тәрбиясендә, аларның яратуын тоеп үсәргә хаклы. Әмма, ни кызганыч янәшәбездә төрле сәбәпләр нәтиҗәсендә ятим калган яки әти-әни каравыннан мәхрүм калган балалар да бар. Шунысы сөендерә, шушы сабыйларга әти-әни назын, йөрәк җылысын бүләк итеп бирергә әзер торучы гаиләләр бар әйләнә-тирәбездә. Күбәк авылында яшәүче Гөлнур һәм Илфар Шәйхелмәрдәновлар гаиләсе 7 баланы үз канатлары астына алганнар.