Адӕмон фронт 11 тоннӕйы гуманитарон ӕххуыс арвыста 166-ӕм мотоӕхсӕн полчы ӕфсӕддонтӕн

11 тоннӕйы бæрц гуманитарон ӕххуыс Адӕмон фронт арвыста Плиты Иссӕйы номыл 166-ӕм мотоæхсæн полчы æфсæддонтæн. Дзауматимæ — 8 тоннӕйы нуазыны дон, йæ балхæнынæн баххуыс кодтой Ходы бинонтӕ, 2,5 тоннӕйы бӕрц халсартӕ фермер Гуыбаты Русланӕй æмӕ Алагиры районы сылгоймӕгты советӕй хосты къоппытӕ. Ӕххуыс райста, дыууӕ азы раззагдæр рӕнхъыты чи ис, уыцы æфсæддон фæсномыг "Кащей"-имӕ. Уый бузныг загъта республикӕйы цӕрджытӕн сӕ æппынæдзухы ӕххуысы тыххӕй.