Министрдин орун басары Нурбек Абдиев Эл аралык фонддордун өкүлдөрү менен жолугушту

Бүгүн, 2025-жылдын 24-январында Ички иштер министрлигинин борбордук аппаратында Ички иштер министринин орун басары милициянын генерал-майору Нурбек Абдиев Эл аралык фонддордун өкүлдөрү менен жолугушуу өткөрдү. Жолугушуунун жүрүшүндө Нурбек Абдиев тиешелүү кызматкерлерибиздин керектүү багыттары боюнча тажрыйбасын, билим деңгээлин өнүктүрүү максатында семинар-тренингдер, конференциялар, чет өлкөлөргө иш-сапарлары уюштурулуп келгенин айтып, ыраазычылыгын билдирди. Ошондой эле аялдардын жана жаш өспүрүмдөрдүн арасында экстремизмдин алдын алуу боюнча кызматташуу тууралуу көтөрүп жаткан демилге учурдун талабы жана аны колдоп, биргеликте иш алып барууга даярдыгыбызды билдирем.-деди министрдин орун басары. Иш-чаранын соңунда тараптар натыйжалуу ишке ашыруу жана жемиштүү кызматташуу үчүн, ачык-айкындуулук менен өз ара аракеттенүүгө жана мындан аркы кызматташтыкты өнүктүрүүгө даяр экендиктерин билдиришип, алдын алуу жаатында кызматташуу багыттары белгиленди. ИИМдин Басма сөз кызматы