«Петухово РФ-Петропавл» бағытындағы электр пойызында өрт болды

Отты дер кезінде байқап, жылдам әрекет етпегенде іс насырға шабар еді! «Петухово-Петропавл» бағытында жүретін электр пойызы Қызылжар ауданындағы Кондратовка станциясына жеткенде астынан от шыққан. Бұл сәтте жылжымалы құрамның ішінде 35 адам болыпты. Жедел алдын алу шарасының арқасында түтін вагондарға таралмады. Өрт сөндірушілер доңғалақ қозғалтқышындағы тілсіз жауды үйлесімді түрде сөндірген. Жолаушыларды эвакуациялаудың қажеті туындамапты.