"Арча хәбәрләре" - "Арский вестник"

Капиталь төзекләндерелгәннән соң Арча районы мәгариф идарәсе бинасы рәсми рәвештә ачылды. Тантанада Татарстан Республикасы мәгариф министры Илсур Һадиуллин, Арча районы башлыгы Алмаз Хисаметдинов, район мәгариф идарәсе җитәкчесе Нияз Муллахмәтов, мәктәп һәм балалар бакчалары җитәкчеләре катнашты. Чыгыш ясаучылар мәгариф хезмәткәрләре өчен заманча һәм уңайлы эш шартлары тудыруның мөһимлеген билгеләп үттеләр. Яңартылган бина мәгариф өлкәсен үстерүгә һәм нәтиҗәле эшне оештыруга хезмәт итәчәк.

11 ел дәвамында уздырылучы "Ат көне"нең масштабы һәм форматы быел башка еллардан үзгә иде🐴 Ул Арчада узды һәм ун төбәкнең спортчыларын бер мәйданга җыйды. Мәскәү, Ставрополь, Пермьнән һәм Россиянең башка төбәкләреннән килүчеләр бу көннең шаһитләре булдылар. Истәлекле мизгелләр видеода☝

Арчаның Баки Урманчы урамында «Күрше» фестивале кысаларында «Әбиемдә кунакта» иҗади проекты узды Катнашучылар авыл тормышының онытыла барган шөгыльләрен барлап, мунча себеркесе, мунчала, чыбыркы үрергә, кульяулык чигәргә һәм каз каурыеннан май канаты ясарга өйрәнделәр. Милли уеннар, сыер саву һәм балык тоту ярышлары да бәйрәмгә үзенчәлекле рух өстәде. «Әбиемдә кунакта» проектының чираттагы очрашуы 13 августта Көнбатыш мәчете янындагы мәйданчыкта узачак. #татарстандаҗәй #летовтатарстане

Арча районы хуҗалыкларында ничә ат бар?🐴 Кайсы хуҗалыклар аеруча атчылык белән кызыксына? Район авыл хуҗалыгы һәм азык-төлек идарәсенең терлекчелек бүлеге киңәшчесе Роберт Хәйретдинов җавап бирә #аткөне #арчарайоны

Бу атнада Арчада һәм Яңа Кырлайда "Ат көне" узачак 🐎Хәзерге вакытта әзерлек эшләре төгәлләнеп килә

🌾Арча элеваторында яңа уңыш ашлыгын кабул итү тантанасы булды. 🚚Аны "Ак барс" агрокомплексы ширкәте шоферы Фәнис Гәйфиев алып килде. Хуҗалык көзге бодай сугарга кереште. 🍞 Традиция буенча беренче икмәкне бик матур итеп каршы алдылар. Район башлыгы Алмаз Хисаметдинов тәбрикләү чыгышында район кырларында мул уңыш үстерелүен әйтеп үтте. Элеватор коллективына хезмәтләре өчен рәхмәт әйтте. Беренче ашлыкны китергән Фәнис Гәйфиевка бүләк тапшырды🤝 Тантананы район мәдәният йорты артистлары чыгышы тагын да ямьләндерде

🌾Бүген “Ак барс“ агрокомплексы“ ширкәтендә уракка төштеләр. Көзге бодай басуы янында күңелле йола булып алды. 🤲Җәүдәт хәзрәт дога укып хәер-фатыйхасын бирде. 🤝Район авыл хуҗалыгы һәм азык-төлек идарәсе җитәкчесе Айдар Рамазанов, хуҗалык җитәкчесе Салават Әхмәдиев механизаторларга тазалык-саулык, уңышлар теләделәр. Әлегә 4 “Нью Холланд“ комбайннары эшкә кереште. Хәерле сәгатьтә!

Редакциябез җитәкчесе Исрафил Насыйбулин каен себеркесен бәйләү буенча киңәшләрен бирә👍 Файдаланыгыз! Дусларыгыз белән бүлегешегез!

"Арча хәбәрләре" газетасы журналисты Ильяс Фәттаховның үз бәрәңге бакчасына колорадо коңгызын ашаучы бөҗәк җибәрүе турындагы видеосыннан соң, редакциягә күп кенә сораулар килде. Күпчелек кеше әлеге бөҗәкне каян алып булганлыгы турында сорап язган. Бу өлкәдә хезмәт куючы белгеч җавабын тәкъдим итәбез☝