«Алитет хайаҕа күрүүр» испэктээк кэннэ көрөөччүлүүн сэһэргэһии. САХА ТЕАТРА
Саха театра «Көрөөччү конференцията» үгэһи салгыыр Тохсунньу 15 күнүгэр «Алитет хайаҕа күрүүр» испэктээк кэннэ көрөөччүлүүн сэһэргэһии түһүлгэтэ тэрилиннэ. Ыҥырыылаах ыалдьыттар уонна баҕалаах көрөөччүлэр санааларын эттилэр, ордук тугу сөхпүттэрин, сэргээбиттэрин, биитэр «ылымматахтарын» саас-сааһынан ырыттылар. Кэлбит дьон ордук испэктээк этэр санаата дириҥин, ис хоһооно билиҥҥи олоххо тоҕоостооҕун ордук болҕойдулар. Бары да ыалдьыттар испэктээк кэннэ режиссеру уонна артыыстары кытта атах тэпсэн олорон кэпсэтии саҥаттан-саҥа толкуйдарга сирдиирин бэлиэтээтилэр. Онтон Андрей Борисов салалталаах айар бөлөх испэктээк улахан сыанаҕа маҥнай турар кэмнэригэр көрөөччү санаатын истэрэ, ылынара – айымньы салгыы ситэн-хотон тахсарыгар улахан оруоллааҕын санатта. Андрей Саввич инникитин көрөөччүнү кытта быһа алтыһыы үгэскэ кубулуйуохтааҕын, өйдөөх-төйдөөх кэпсэтии театр киэҥ эйгэлэнэрин ситиһэргэ, бэйэ көрөөччүтүн иитэргэ олук буолуохтааҕын туhунан эттэ. #сахатеатра #алитетуходитвгоры #премьера