ЛIыгъэр я Iэщэу/Хьэгъундокъуэхэ ТIалэ и тхыдэр

Нэхущхэ Ахьмэд нэIуасэ сызэрыхухъурэ сигу икIкъым, жиIамрэ ищIэмрэ си нэгу щIэтщ. Я хьэдащхьэ ямылъэгъуарэ я цIэр ящыгъупщэжауэ, щIым хэбзахэри бзыхьэхуэ хъуауэ, Хэку зауэшхуэм кIуэри къамыгъэзэжауэ, къагъэзэжами пщIэ яхуэфащэ ямыгъуэтауэ щыIахэм, хьэуэ, щыIэхэм пэгъухь захуещI. Ахьмэд илъэситху мэхъури ипхъу Дианэ и гъусэу нэмыцэ зауэжьым хэкIуэдахэм я лъэужь къелъыхъуэ. Мы нэтыныр ахэм я лэжьыгъэм кърикIуа зы хъыбарым теухуэжащ.