inDrive сервисі қозғалыс кезінде аудиожазба функциясын іске қосты

Енді таксиге мінсеңіз ауыздан шыққан әр сөзге жауап беру керек болады. Өйткені inDrive сервисі жолаушы мен жүргізуші арасындағы мәселелерді шешу үшін аудиожазба функциясын іске қосты. Бұл қауіпсіздік үшін жасалған қызмет дейді компания. Дамир Нұрмұхамет толықтырады. Есікті қатты жапты, жол ақысын төлемеді, мені балағаттады деген жүргізушілер енді өздерін ақтап әлек болмайды. Кімнің дұрыс-бұрыстығын аудиожазба анықтайды деп сеніп отыр. Сондықтан көбі Индрайв сервисінің бұл шешімін құптайды. МАҚСАТ МОЛДАХМЕТОВ Бұл функция бізге жеңілдік сыйлайды. Кейде ұрысамыз тура клиенттермен. Неше түрлі адам отырады. Төлемейтіндер болады. Соларды енді дәлелдей аламыз. САНЖАР ӘБІКЕН, жүргізуші: Ол деген жақсы ғой. Әрқайсына нервыңды құртқанша дәлелдей салғанға оңай болады. Мен дұрыс деп санаймын бұл қосымшаны. Жақсы әрине. InDrive біз қауіпсіздікті күшейттік дейді. Аудионы жүргізуші де жолаушы да қосымша арқылы өздері қоса алады екен. Жазбалар толық цифрланып сақталады. Ал сіздің жеке деректер заңнан тыс ешқайда жарияланбайды дейді компания өкілдері. АРАЙ БЕКЕМБАЕВА, Қазақстандағы Indrive Бизнесінің Жетекшісі: Бұл мүмкіндік жүргізуші мен жолаушы арасындағы даулы жағдайлардың алдын алып, қажет болған жағдайда оқиғаның мән-жайын анықтауға көмектеседі. Жазбалар ашық сақталмайды. Олар арнайы шифрланып, құпия түрде сақталады. Компания өкілдерінің айтуынша, аудионы кез келген қызметкер тыңдай алмайды. Дауды қарау кезінде аудиодан бөлек сапар бағыты, тапсырыс тарихы және жолаушы мен жүргізушінің рейтингі де ескеріледі екен. #Информбюро #31арна #БастыЖаңалықтар #Новости #31канал