Дабылды ескертуді елемей, жолға шығатын жолаушылар кө

Биыл қыс қатты болып тұр. Әсіресе еліміздің шығысы мен теріскейінде. Ақмолалықтар да қалың қар, ақ түтек бораннан әбден зәрезап болды. Аймақта қыс басталғалы бір емес, бірнеше мәрте күре жолдар жабылды. Ескертуді ескермей жолға шығып, жердің шеті, желдің өтінде қалғандар қаншама. Өңірден әріптесім Дамир Берікұлы жалғастырады. Жол полицейлері үшін бұл үйреншікті жағдай. Себебі боранды күндері осындай кептелістер көптеп кездеседі. Хабарландыруды елемей, Астана бағытында жолға шыққан жүргізушілер көбіне осы Щучинск қаласының маңынан тоқтатылады. Өйткені жол жабық. Бірақ темір тұлпар иелерінің де өзіндік наз-өкпелері бар.