Орал қаласында ауа температурасының күрт жылынуынан қар еріп, көпшілікті әбігерге салып жатыр

Қызыл судан зардап шекен қаламыздың Зашаған, Жұлдыз, екінші жұмысшы сияқты шеткі аудандары болып отыр. Қыс бойғы тынымсыз жүргізілген қарды қала сыртына шығару жұмысынан босаған көп салалы жол пайдалану кәсіпорыны енді еріген субдың нөпірімен күресуде. Суды сорғызумен айналысып жатырған жалғыз көп салалы жол пайдалану кәсіпорыны емес. Мына суға толы құдықта байланыс желілері орналасқан екен. «Қазақтелеком» АҚ жасағы еріген қардың суы телефон қызметіне де әсерін тигізіп жатқанын айтады. Көше бойында көлік жолына жиналған судан жаяу жүргінші өтуге қиналады. Бұл орайда көп салалы жол пайдалану кәсіпорынының жұмысын атап өтпеске болмас. Бірақ ауладағы ақ мамықтың салдарын жою коммуналдықтардың міндетіне кірмейді. Сондықтан қыс бойы қар шығарып келген 76 жастағы әжей, енді шелек-шелек суды сыртқа тасып жүр. Шаған жағалауындағы жолды жағалай ораласқан тұрғын үйлер де жылдағыша қызыл сумен арпалыс үстінде екен. Ылдида орналасқан үй ауласы мен жертөлелерге оқтын-оқтын толып кететін суды сорғызу «қалтамызды жұқартып болды»,- деп шағымданады. Күннің күрт жылынуы коммуналдықтарды жоғары қарқынмен жұмыс жасауға мәжбүр қылып отыр.