Үтір намазының үкімі уәжіп. Дәлелі: Пайғамбарымыз (оған Алланың игілігі мен сәлемі болсын) айтқан мына хадисі: «Расында Алла Тағала бес намаздарыңызға (тағы) бір намазды қосты, ол – үтір (намазы), оған бейғам қарамаңдар».(1 Ахмад «Муснад» 6693; 23851) Қосылған нәрсе негізгі нәрсенің асылынан болады (яғни қосылған бұл намаз негізгі бес намаз сияқты), парыз үкіміне ереді. Алайда дәлелінің қатғи (Құран не мутауатир сүннеттен) болмағандығы үшін үкімі уәжіпке түсті... Үтір намазының оқылуы: ол шам намазы сияқты үш ракааттан тұрады, арасын үзбестен үш рака’ат толық оқылады. Бұл жайында Ибн Масғуд, Ибн Аббас, Убай ибн Каъб, Айша және Умму Сәләмәлардың (Алла олардан разы болсын) жеткізген хадистерінде былай деген: «Пайғамбар (с.ғ.с) үш рака’ат етіп тақ қылып оқып, сәлемін соңында ғана беретін», - деген(Хаким 1/304; Насаи 3/234-235, Ахмад 25223). Әр ракаатында Құраннан (сүре, аят) оқылады. Бірінші ракаатта Фатиха мен Аъла, екінші ракаата Фатиха мен Кафирун, үшіншіде Фатиха мен Ықылас сүрелерінің оқылуы мустахаб (сүйікті) іс болып табылады(Ибн Мажа 1172, Тирмизи 462, Насаи 3/236, Ахмад 27/20). Үшінші ракаатта рукуғтің алдын қолды көтеріп «құнұт» дұғасы оқылады. Себебі Али, Ибн Масъуд, Ибн Аббас, Убай ибн Каъбтар (р.а) Пайғамбардың (с.ғ.с) құнұт дұғасын үшінші ракаатта рукуғтан алдын оқығандығын жеткізген(Насаи 3/235, Ибн Мажа 1182, Тахауи «Шарх мушкил әл-әсәр 4501; 4503; 4504»). Үтір намазының қазасы. Үтір намазы қаза болса қазасын өтеуі керек. Пайғамбар (с.ғ.с) хадисінде: «Кімде-кім үтір намазын оқымай ұйықтап қалса, немесе ұмытып оқымаса онда (қазасын) есіне түскенде, немесе оянғанда оқысын!», және бір риуаятта: «Кім үтір намазына ұйықтап қалса (қазасын) таң атқанда оқысын,» – деген(Ибн Мажа 1188, Тирмизи 465) Ихтияр фи тағлимил мухтар. Алла ісімізге жеңілдік беріп, құлшылығымызда ықыласты болуды нәсіп етсін. Құптан намазынын қазасы қалай оқылады ------------------------------------------------------------------------------ Ислам жолында🕋🕌 каналында сіз бұл туралы біліп қана қоймай басқа да сұрақтарға жауаптар ала аласыз, видеоны соңына дейін көріңіз! #намаз #үтірнамазы #намазүйренейік #намазүйрену #намаздықалайоқиды #исламжолында "Әйеліңді мақта" Келесі сілтеме арқылы өтіп біле аласыз https://www.youtube.com/watch?v=-X1Ifp8vWOI Вконтакте: https://vk.com/islam__zholinda Facebook: https://www.facebook.com/groups/islam...