ЫРЫТЫЫ 1. КИҺИ ДОХУОТА ТОҔО АҔЫЙАҔЫЙ? ХАЙДАХ, ТУГУ ГЫНАН ҮРДЭТЭБИН?

♻️Дохуоту хантан таһаарыахха, эбиниэххэ сөбүн - бэйэлэрин финансовай балаһыанньаларын көннөрүөн баҕалаах дьон холобурдарыгар олоҕуран ырытыылары оҥоробун. ✅ Ырытыы "чопчу мин эппиппинэн хамсан" диэн буолбакка, ✳️ толкуйданарга, ✳️ быһаарыныы ылынарга ✳️ "маннык эмиэ буолуон сөп" диэн санаа кэҥээһинэ буолар. Ырытыылар ZOOM сыһыарыынан буолаллар. Хас биирдии кыттааччы сөбүлэҥнээх тахсар, салҕыы видеону Күн Тыгыйык көҥүлэ суох, Күн Тыгыйык өҥөтүттэн атыҥҥа туттуу бобуллар. Кыттар дьон олоҕун билбэккэ сылдьан сэмэлээн, сүөлүргээн саҥарар сэттээҕин-сэлээннээҕин сэрэтэбин. Ырытыы хас биирдии киһи бэйэтин истинэригэр, бэйэтин иһигэр ханнык быһаарыллыбатах, сааһыламматах өйдөбүл баар буоларын билиһиннэрэргэ, холобур буоларга аналлаах. Ырытыы “чопчу мин эппиппинэн, манна быһаарыллыбытынан хамнан” диэн ыйыы-кэрдии буолбатах. Көрөөччү быһаарыныы ылынаргар, толкуйдуургар “маннык эмиэ буолуон сөп” диэн вариант, көрүҥ буолар. Быһаарыныыгар, олоххо хамсаныы оҥорон киллэрэргэр эппиэтинэһи толору бэйэҕэр ылынаҕын.