Аҕам саастаах дьон аан дойдутааҕы күннэринэн!

Алтынньы 1 күнүгэр Аҕам саастаах дьон аан дойдутааҕы күннэрэ бэлиэтэнэр. Бу күн чэрчитинэн, бэҕэһээ Саха сирин үтүөлээх артыыската Ирина Никифорова Хаҥалас улууһун социальнай-ребилитационнай киинигэр олорор кырдьаҕастары кытта быһа биэриигэ тахсан, тыйаатыр уонна киинэ туһунан сэһэргэстэ. Күндү ытык-мааны кырдьаҕастарбыт, аҕам саастаах ытык дьоммут! Эһигини Аҕам саастаах дьон аан дойдутааҕы күннэринэн итиитик-истиҥник эҕэрдэлиибит! Бу дьыл кэмэ уларыйар кэмигэр бэйэҕитин харыстана сылдьыҥ диэн ыҥырабыт! Чугас дьоҥҥут, оҕолоргут чэгиэн буоллуннар!