“Юксалиш” умуммиллий ҳаракати дунёнинг турли нуқталарида истиқомат қилаётган ватандошлар ҳаёти, таълим олиши, иш фаолиятини ёритишга қаратилган "Ватандошлар ҳаётидан" лойиҳасини йўлга қўйган. Лойиҳа йўналишларидан бири ватандошларни қўллаб-қувватловчи жамоат бирлашмалари, ташаббускор гуруҳлар, ННТлар фаолиятини ёритишдир. Бизнинг илк қаҳрамонимиз — Россиянинг Санкт-Петербург шаҳридаги "Мадад" автоном нодавлат ташкилоти раҳбари Азиз Сайибов. “Мадад” АНТ 2018 йилдан Санкт-Петербургда фаолият юритиб келмоқда. Ушбу марказнинг мақсади — Санкт-Петербург ва Ленинград вилояти ҳудудларида қийин ҳаётий вазиятга тушиб қолган ватандошларимизга ҳар томонлама кўмак кўрсатиш. Ушбу лойиҳага ҳайрихоҳ бўлган барчани ҳамкорликка чорлаймиз. Агар Сизда ватандошимиз ҳақида ўртоқлашишингиз мумкин бўлган маълумот, қизиқарли воқеа ёки ўрнак бўладиган натижалар мавжуд бўлса, бизнинг электрон манзилимиз — info@yumh.uz