Роберт Нигматуллин

Мәрьям Солтанова-Акчурина исемендәге клубта чираттагы очрашу узды. Бу юлы галимнәр, җәмәгатьчеләр, тарихчылар Россия Фәннәр академиясе академигы, физика-математика фәннәре докторы, СССР Дәүләт премиясе лауреаты, РФА Океанология институтының фәнни җитәкчесе Роберт Нигъмәтуллин  белән очрашты. Чара барышында 83 яшьлек Роберт Искәндәр улы үзе турында, галимлек юлындагы авырлыклар турында бәян итте, килгән кунаклардан яуган күп сорауларга җавап бирде. Очрашуга галимнең тормыш иптәше Венера ханымның катнашуы аеруча ямь өстәде. Әйтергә кирәк, татар зыялылары клубын оештыручы Нәфисә Акчурина Уфада яшәүче татарларга берсеннән-берсе югары үрләр яулаган шәхесләр белән очрашу, аралашу мөмкинчелеге тудыра. Һәм бу шәхесләр белән әңгәмәләрне сыйфатлы видеолар аша, киң җәмәгатьчелеккә дә таратуны үз бурычы итеп күрә.