КИМ ДА УМНУЛЛУБАТ, ТУОХ ДА УМНУЛЛУБАТ!

Ким да умнуллубат, туох да умнуллубат! Улуу Кыайыы күнүн көрсө Мэҥэ-Хаҥалас улууһун Дьаҥхаады нэһилиэгэр Аҕа Дойду сэриитин ыар сылларыгар тыылга сырдык олоҕу төрүттэспит биир дойдулаахтарын үйэтитиигэ аналлаах хомуурунньук күн сирин көрдө. М.К. Аммосов аатынан ХИФУ Кинигэтин кыһатыгар олохтоммут «Дьаҥхаады дьоно» диэн серияҕа 19-с кинигэ буолан таҕыста. Нэһилиэк модельнай библиотекатын (А.Е. Павлуцкая) уонна олохтоох музей (Л.А. Колосова) коллективтара 320 страницалаах сыралаах үлэлэрэ кэнчээри ыччакка өйдөбүнньүк буоллун.