Патриотон акцийы фæлгæты Цæгат Ирыстонмæ ссыдысты хъырымы республикæйы минæвæрттæ
Сырх æфсады Инæлар-майор, Советон Цæдисы Хъæбатыр, Хъырым, Каховкæ, Херсон ссæрибар кæныны, Фыдыбӕстӕйы стыр хӕсты рӕстӕг Днепры сӕрты ахизыны операцийы архайӕг. Нæ зындгонд æмзæххон Цæлыккаты Хъантемыры номарæн патриотон проект "Ирыстон æмæ Хъырымы хъæбатыр" равзæрд 2 азы размæ. Æххæст æй кæнынц Дыгуры районы Николаевскæйы станицæйы скъолайы æмæ Хъырымы республикæйы Евпаторийы 8-æм гимназы ахуырдзаутæ иумæ. Фæсивæд бакодтой егъау иртасæн куыст Евпатори сæрибаргæнæджы хъæбатыр Цæлыккаты Хъантемыры цард æмæ архайды тыххæй. Æрæмбырд кодтой, æмбал кæмæн нæй, ахæм хуызистытæ æмæ документтæ. Æххуыс сын кодтой Цæлыккаты бинонтæ, стæй Цæгат Ирыстоны Архивон службæ. Республикæйы Евпаторийæ минæвæрттæн сарæзтой 4 боны программæ. Экскурситæ уыдысты "Барбашовы фæз"-ы, Намысы мемориалы, Беслæны 1-æм скъолайы, Ирон аргъуаны, йæ пантеоны ныгæд ис Цæлыккаты Хъантемыр, стæй Ногхъæуы - хъæбатыры райгуырæн бынаты. Хъæуы скъолайæн фæсивæд балæвар кодтой сæ зындгонд æмзæххоны номарæн альбом. Культурон æмархайд ма баххæст кодтой дæсныйадæвдисæг ахуыртæй ирон чъиритæ кæнынæй, уыимæ уазджытæ бабæрæг кодтой Уæллаг Фыййагдоны Алайнаг моладзандон. Проект "Ирыстон æмæ Хъырымы хъæбатыр" цæудзæн дарддæр дæр, зæгъынц йæ автортæ.
Сырх æфсады Инæлар-майор, Советон Цæдисы Хъæбатыр, Хъырым, Каховкæ, Херсон ссæрибар кæныны, Фыдыбӕстӕйы стыр хӕсты рӕстӕг Днепры сӕрты ахизыны операцийы архайӕг. Нæ зындгонд æмзæххон Цæлыккаты Хъантемыры номарæн патриотон проект "Ирыстон æмæ Хъырымы хъæбатыр" равзæрд 2 азы размæ. Æххæст æй кæнынц Дыгуры районы Николаевскæйы станицæйы скъолайы æмæ Хъырымы республикæйы Евпаторийы 8-æм гимназы ахуырдзаутæ иумæ. Фæсивæд бакодтой егъау иртасæн куыст Евпатори сæрибаргæнæджы хъæбатыр Цæлыккаты Хъантемыры цард æмæ архайды тыххæй. Æрæмбырд кодтой, æмбал кæмæн нæй, ахæм хуызистытæ æмæ документтæ. Æххуыс сын кодтой Цæлыккаты бинонтæ, стæй Цæгат Ирыстоны Архивон службæ. Республикæйы Евпаторийæ минæвæрттæн сарæзтой 4 боны программæ. Экскурситæ уыдысты "Барбашовы фæз"-ы, Намысы мемориалы, Беслæны 1-æм скъолайы, Ирон аргъуаны, йæ пантеоны ныгæд ис Цæлыккаты Хъантемыр, стæй Ногхъæуы - хъæбатыры райгуырæн бынаты. Хъæуы скъолайæн фæсивæд балæвар кодтой сæ зындгонд æмзæххоны номарæн альбом. Культурон æмархайд ма баххæст кодтой дæсныйадæвдисæг ахуыртæй ирон чъиритæ кæнынæй, уыимæ уазджытæ бабæрæг кодтой Уæллаг Фыййагдоны Алайнаг моладзандон. Проект "Ирыстон æмæ Хъырымы хъæбатыр" цæудзæн дарддæр дæр, зæгъынц йæ автортæ.