Республикæйы 70 æмвзонг цæрæджы равдыстой фæндаггон-патрулон службæйы специалистты куыст сæ нывты

Сывæллæтты сфæлдыстады республикон галуаны схорзæхджын кодтой ӕрмдæсныты ӕмӕ нывгонд кинонывты конкурсы уӕлахиздзауты. Мадзал арӕзт ӕрцыд Уӕрӕсейы Паддзахадон Автоинспекцийы 90 азы бонмӕ. Æгас республикæйæ дзы архайдтой æвдай лæппуйы онг. Кӕстӕртӕ кодтой ӕрмгуыст, хистӕртӕ истой нывгонд кинонывтӕ. Æппæт дзауматæ дæр снысан кодтой фæндаггон-патрулон службæйы кусджытæн æмæ фæндæгтыл æдасдзинадæн. Уӕлахиздзаутӕ райстой Кады гæххæттытæ, дипломтӕ ӕмӕ кубоктӕ. Мадзаларазджытæ — Паддзахадон Автоинспекци, ахуырады министрад ӕмӕ автомобилистты ӕхсӕнад. Конкурсы сӕйраг нысан — сывӕллӕтты æргом фӕндаггон змӕлды домæнтæм аздахын.