Çăмăллăхпа эмел илсе тăракансене препаратсемпе тивĕçтересси республикăра чăрмавлă пурнăçланать. Ку ыйтăва правительство çуртĕнче иртнĕ ларура тишкерчĕç. Чăваш Енри сывлăх сыхлав министрĕ Владимир Степанов препаратсене кӳрсе килессипе хăш-пĕр йышăнăва улшăнусем кĕртме тата урăх саккунпа ĕçлеме сĕнчĕ. Çĕнĕлле ĕçлени эмелсене вăхăтра кӳрсе килме май парĕ. Халĕ кирлĕ хутсене хатĕрлесе килĕшӳ тумалла.