"Кыталыктаах кырдалым": босхоҥ уол дьылҕата көрөөччүлэри харах уутунан сууннарда...

Муус устар 22 күнүгэр, “Киин” киинэ тыйаатырыгар режиссёр Михаил ЛУКАЧЕВСКАЙ “Кыталыктаах кырдалым” саҥа уус-уран киинэтэ сүрэхтэннэ. Бу киинэ аҕыйах хонуктааҕыта “Золотой ворон” Арктикатааҕы норуоттар икки ардыларынааҕы киинэ VII бэстибээлигэр Гран-при үрдүк ааты ылла. Маны тэҥэ киинэҕэ сүрүн оруолу оонньообут кырачаан Ваня – Амма Чакыр оскуолатын 4-с кылааһын үөрэнээччитэ Миша СЛЕПЦОВ – эмиэ бу бэстибээл “Лучшая мужская роль” кыайыылааҕынан ааттанна.