Мандаринді орама.Қазақша рецепт. Мандариновый рулет

Құрамы: Мандарин- 5-6 дана Жұмыртқа - 4 дана Қант ұнтағы - 110 г. Ұн - 100 г. Сүт- 100 мл. Өсімдік майы - 30 мл Кремі: Қаймақ - 300 мл Қант ұнтағы - 120 г. Жұмыртқаларды жарып, үстіне қант ұнтағын саламыз. Миксермен көлемі ұлғайғанша және қоюланғанша 10-15 минут араластырамыз. Ұн, сүт, өсімдік майын 2-үш бөлікке бөліп, ақырындап, астынан үстіне қарай араластырамыз. Дайын қамырды пергамент қағазы төселген табаға құйып тегістейміз. Қызып тұрған пеште 180 градуста 15-20 минут пісіреміз. Креміне қаймақты қант ұнтағымен қосып, миксермен араластырамыз. Орама піскенде суланған орамалдың үстіне төңкереміз. Пергамент қағазын абайлап алып тастаймыз. Үстіне крем жағамыз. Қысқа шетіне мандариндерді тізіп, нығыздап ораймыз. Шашылып қалмас үшін тоңазытқышта бір сағаттан астам уақытқа қоямыз. Үстіне қант ұнтағын себуге немесе басқаша сәндеуге болады.