Резеда Зәйниева Тукай турында

Әгәр бүген Тукай Казан урамнары буйлап атлап килсә, без аны таныр идекме? Әллә ул гадәти киенгән, үткен карашлы, шаян сүзле яшь егет булып кына үтеп китәр идеме? Без аны һаман да һәйкәлләрдәге кебек җитди, кулына китап тоткан шагыйрь итеп күз алдына китерергә күнеккән. Әмма «Казанга Тукай кайткан» спектаклен иҗат итүчеләр аны бөтенләй башкача күрә: тере, көлә белгән, икеләнгән, яраткан, әрнегән, бәхәсләшкән, әмма барыбер милләт өчен янып яшәгән шәхес... Спектакльнең драматургы Резеда Зәйниева фикерләре аша бөек шагыйрьне яңадан ачарга тырышып карыйк.