Достар, сіздерге жұп-жұмсақ панкейктің жасалу жолын көрсеттім. Панкейк өте жұмсақ, үлпілдек болып шығады. Панкейкке бал, қойылтылған сүт, түрлі соустар мен тосап қосып жеуге болады. Сүт 330 мл Ұн 250 г Өсімдік майы 4 ас қасық Қант дәміне қарай, 4 ас қасық Жұмыртқа 3 Шымшым тұз Бірінші жұмыртқаның ағы мен сарысын ажыратып аламыз. Сарысына қант салып, жақсылап араластырамыз. Кейін өсімдік майын құямыз. Одан соң сүтті құйып, араластырып шығамыз. Содан кейін ұн қосып, комок болмайтындай етіп араластырамыз. Бұл қоспаны шетке қойып, жұмыртқаның ағына бір шымшым тұз салып, аппақ көбік болғанша миксермен жақсылап араластырамыз. Консистенциясы аппақ, бір орыннан қозғалмайтындай болу керек. Енді осы ағын дайындап қойған қамырға ақырын қосып, мұқият араластырамыз. Жайлап араластырғаннан кейін бірден табаны пешке қойып, орташа отта қыздыру керек. Табаның қызғанын күтіп, қамырды қасықпен аралары алшақ болатындай етіп құямыз. Аз уақыттан кейін панкейктердің үстінде көпіршіктер пайда бола бастайды, бұл олардың піскенін білдіреді. Міне, панкейктер дайын болды.